Le Blog de Youcef Allioui

Pensée des anciens Kabyles :

« Kra g-gwin iknan i ddel, Rebbi irennu-yas asadel ! »

« Celui qui s’incline devant l’oppression, Dieu

l’oppresse davantage encore ! »

Asadel : muselière/bâtonnet que l’on met au travers de la bouche d’un chevreau pour l’empêcher de téter ».

Tafsut-nni…

Tafsut tuγal d ccetwa

Macci akka ay nenwa

A Rebbi Sle-d a-k hkuγ

Arrac teggwi-ten zzedwa

Af tizi n lqahwa

Tasa n yemma-tsen tluγ.

Tamurt deg’damen teswa

Wissen ma terwa

Imettawen ugaren legrur

Idamen-nsen d tenwa

Ejjan-aγ nekwa

Achal yemmuten d-aqrur.

Achal ceccen di sniwa

Ajjaddarmi yeqwa

Llan wid isen llin taggurt

Mi hesben ufan swa-swa

Wa ysenned γer wa

Netlen deg’wakal n tmurt.

Nedheγ ar sidi Balwa

D-Iâassasen n tliwa

Aγ mmlen anda-tt tifrat

Amek ara nettu tarwa

Yeγlin am lehwa

Errsas ar tegnaw yekkat.

Nwiγ macci d-aya ay neswa

Gzemnaγ amzun t-tiriwa

Laâyad g-warrac mazal-it

Eγlin amzun t-tisedhwa

Mmelt-iyi anda-tt ddwa

N Weqbayli yettun Taqbaylit ?

Ebnan ljjamaâ yeswa

Arrac netlen wa zdat-wa

Anwi-ten id yettmektin

A Rebbi s-yessek nenwa

Sdderm-it s lqewwa

Iγsan ad ffγen si tmedlin !